المايكروتك
هو نظام تشغيل كامل لإدارة الخوادم وتشغيلها ، فهو يقوم بتحويل حاسباً
عادياً إلى خادم كامل لإدارة الشبكة السلكية واللاسلكية على حد سواء ,
يتميز بالخفة والسرعة والشمول والثبات ، وبه من المزايا ما لا تستطيع
معرفته إلا إذا عملت عليه لسنوات ، دون مبالغة.• التحكم الكامل في الشبكة
تحويل الجهاز إلى نقطة وصول لاسلكية (Access Point)
• تحديد المستخدمين المسموح لهم بالدخول إلى الشبكة ، سواء السلكية أو اللاسلكية
• إلزام كل متصل بإستخدام جهاز محدد بربط حسابه بالعنوان الفيزيائي للجهاز ، أو تركه مفتوحاً
• تحديد عنوان IP محدد لكل مستخدم ، أو تركه دون تحديد
• تحديد وقت إجمالي للمستخدم بالساعات أو الأيام
• تحديد سرعة التحميل والرفع لكل مستخدم أو لمجموعة من المستخدمين
• تحديد حجم تحميل أو رفع لكل مستخدم ينتهي إشتراكه بإنتهائه
• تحديد أوقات معينة من اليوم لدخول المستخدم ، أو فتح كامل اليوم
• وضع إعلانات تظهر للمستخدمين في أوقات محددة ولمدد محددة
• تحديد ما يسمح للمستخدمين بتصفحه وما لا يسمح ، ومعرفة المواقع التي يزورها المستخدمون
• إمكانية تصميم صفحة دخول المستخدمين حسب ما تريد
• الحصول على رسوم بيانية تفصيلية بمرور البيانات عبر الخادم
• حجب خدمات معينة والسماح بأخرى على الشبكة
• استخدام التخزين المؤقت Cash لتسريع التصفح
• جدار حماية لحماية الشبكة والمستخدمين
• دعم إتصال 200 مستخدم في وقت واحد في الأدنى
• إدارة الخادم عن بعد بأكثر من طريقة ، أشهرها البرنامج الشهير WinBox
أو بالمتصفح العادي ، أو الإدارة عن بعد بالـ Telnet أو بالمحطة الطرفية
Terminal
• الدخول إلى الخادم وإدارته من الإنترنت من أي مكان في العالم
• دمج أكثر من إتصال إنترنت على خادم واحد
• إستخدام أكثر من بطاقة لاسلكية للبث
• دعم أكثر من تردد حسب نوع البطاقة
• إستخدامه على الحاسب العادي أو على لوحات المايكروتك الخاصة به
• تحكم قوي في أجهزة البطاقات اللاسلكية بتحديد القوة برفعها أو خفضها
ومعرفة الإزدحام على كل تردد ، وتحديد مخرج الهوائي المستخدم في البطاقة ،
وقوة الإشارة لدى المتصلين
• سرعة عالية مع تشفير الإتصال اللاسلكي بـ WEP أو WAP
• جهاز حاسب آلي بمعالج ذي سرعة 100 ميجا هيرتز أو أعلى .
• ذاكرة مؤقتة 32 ميجابايت في الأدنى، أو جيجا بايت في الأعلى ، ويفضل 64 ميجابايت فأكثر .
• بطاقة شبكة واحدة على الأقل .
• مساحة قرص 64 ميجابايت على الأقل .
• أو استخدام لوحات المايكروتك المصنعة خصيصاً لهذا النظام .
دى نسخه مايكروتك مفتوحه ومكركه وليس لها محدد لها مده
2.9.27
قم بتنزيل برنامج ultra iso ثم تنصيبه علي الجهاز
هو برنامج خاص بنسخ الإسطوانات وملفات الأيزو
UltraISO Premium Edition 9.3.6.2750
فك ضغط ملف المايكروتيك الذي تم تحميله
ضع اسطوانه فارغه بالسي دي او الديفيدي مع العلم اننا مش محتاجين اكتر من
اسطوانه عاديه مساحتها 700 ميجا لاننا مش هنستخدم منها اكثر من 15 ميجا
بعد تنصيب برنامج Ultra iso
اضغط كليك يمين علي الملف الأيزو واختر من القائمه المنسدله BURN TO DISC
سيظهر مربع حواري جديد نضغط فيه علي كلمة BURN وننتظر حتي يتم حرق الملفات علي الإسطوانه .
كده انتهت مرحلة التجهيز والنسخ
المرحلة القادمة هى مرحلة تنصيب المايكروتك نفسه علي جهاز الكمبيوتر دلوقتى
محتاجين لجهاز كمبيوتر لا تقل مواصفاته عن ما سلف ذكره عشان يكون السيرفر
بتاعنا وطبعاً المايكروتيك ينفع علي أي جهاز بأي إمكانيات بس كلما زادت
كلما كان أفضل .
المطلوب
جهاز يكون مكون من بورده وهارد وبروسيسور ورامات وكارت شاشه وكارتين لان بس لا اكثر وهذه هي الاساسيات المطلوبه لسيرفر مايكروتيك
شاشه ودى هنحتاجلها في مرحلة التنصيب فقط ويمكن ازالتها بعد هذه المرحله
كيبورد هنحتاج اليها أيضا في مرحلة التنصيب فقط وبعد ذلك يمكننا ازالتها
سي دي روم CD-ROM وده هنحتاجها عشان ننصب المايكروتيك عن طريق الاسطوانه اللي تم نسخها وبعد ذلك يمكننا ازالتهايلا نبدأ
بسم الله الرحمن الرحيم
نشغل الكمبيوتر وطبعاً الإسطوانه بالسي دي وننتظر حتي تمم عملية بوت للإسطوانه
بعد التبويت ستظهر لنا قائمة بالباكجات التي نريد استخدامها في المايكروتك
وهى عباره عن الحزم التي نحتاج الي استخدامها في المايكروتك مثل الـ DHCP
الخاصه بالأيبيهات الإتوماتيك والـ HOTSPOT الخاصه بصفحة المستخدم .
نضغط حرفـ A وهو يعنى ALL بمعني اختار كل الباكجات
ملحوظه : طب إحنا مش هنستخدم كل الباكجات بالفعل ولكن الأفضل انك تنزل كل
الباكجات لانك قد تحتاج الي باكج فيما بعد ومش هنخسر حاجه لانها مش بتاخد
مساحه ده غير انه هيكون معطل الا اذا انت فعلته .
نضغط علي حرف i وهو يعنى install والأن ستقوم بتنزيل الباكجات علي الجهاز .
بعد الضغط علي حرف ال i ستظهر لنا رساله مكتوب فيها
?DO YOU WANT TO KEEP OLD CONFIGURATION
ومعناها هل تريد الإحتفاظ بالإعدادات القديمه
نضغط حرف N وهو يعنى NO
وتم إختيار لا هنا علي اساس انه لايوجد اي اعدادات قديمه للاحتفاظ بها
ستظهر لنا رساله بعد ذلك مكتوب فيها
CONTINUE
ومعناها انك متأكد إنك مش عاوز الاعدادات القيمه وهتكمل !
بالطبع نضغط Yوهي هنا بمعني YES
ننتظر قليلاً حتي يقوم المايكروتك بعمل فورمات للهارد وتنزيل الباكجات
بعد الانتهاء من تنزيل الباكجات ستظهر هذه الرساله
SOFTWARE INSTALLED
PRESS ENTER TO REBOOT
وهذه الرساله تعني
انه تم تنزيل المايكروتيك
اضغط انتر لعمل RESTART
سنقوم باخراج السي دي CD حتي لايقوم الجهاز بالتبويت مره أخري
بعد الريستارت سنجد أنه تم تنصيب المايكروتيك وستظهر لنا هذه الرساله
IT IS RECOMENDED TO CHICK YOUR DISK DRIVE FOR ERRORS
DO YOU WANT TO DO IT NOW
وهذه الرساله تعني انه ينصح بعمل فحص للدرايفرات الخاصه بالهارددسيك
هل تريد فعل ذلك الان
بالطبع سنضغط علي حرف ال Y
بعد الانتهاء من الخطوات السابقه
هتظهرلنا الصفحه الخاصه بالدخول للمايكروتيك
واللي موجود فيها:
MIKROTIK LOGIN
ودي بنكتب جنبها اسم اليوزر الخاص بالدخول للمايكروتيك
والاسم الافتراضي هوا
مع الملاحظه اننا بنكتبه small يعني بحروف صغيره وليست حروف CAPITAL نكتبه ونضغط ENTER
PASSWORD
ودي بنتركها فارغه لاننا لم نضع باسوورد بعد نضغط علي ENTER
وبكدا يبقي انتهينا من تنصيب المايكروتك
المرحله القادمه هى مرحلة التحكم والتهيئه
المرحله دى عشان نعرف ازاى نتحكم فى السيرفر بتاعنا ونديله الأوامر مبدئياً فى طريقتين عشان أتحكم فى جهاز السيرفر :
اول طريقه هى من السيرفر نفسه اننا نكمل خطوات ادخال اليوزر والباسوورد
الخاصين بالمايكروتيك ونبدأ فى ضبط الاعدادت من خلال كلمة SETUP ولكن لا
انصح بهذه الطريقه لانها صعبه شويه وبتحتاج لأوامر خاصه .
الطريقه الثانيه عن طريق برنامج WiNBOX البرنامج ده هو الواجهه اللى هتقدر
تتحكم من خلالها بالمايكروتيك ويفضل هذه الطريقه لأنها أسهل وأسرع ومن
خلالها هتتعامل مع السيرفر فيما بعد
WINBOX V2.2.15ملحوظه ان
عملية المتابعه سوف تتم من خلال كمبيوتر أخر غير السيرفر يعنى احنا دلوقتى
مش محتاجين في عملية ضبط الاعدادات الشاشه والكيبورد لاننا مش هنحتاجهم في
عملية الضبط لانها هتكون من خلال جهاز آخر يبقى الجهاز اللى إحنا كنا
شغالين عليه ده اسمه السيرفر دلوقتى هنظبط الكابلات ونسيبه ونروح للجهاز
التانى .ضبط الكابلات
دلوقتى هنوصل الكابلات الخاصه بالإنترنت للسيرفر بمعني اننا عندنا كارتين lan في السيرفر
الاول هيكون كابل جاي من الرواتر للسيرفر
الثاني هيكون كابل خارج من كارت اللان رايح للسويتش اللي عليه المشتركين
وفي نفس الوقت هيكون عليه الجهاز اللي احنا هنظبط عليه السيرفر
معلومه ماينفعش اننا نوصل كارت اللان التاني بالجهاز اللي هنظبط من عليه
السيرفر مباشر لأن ترتيب الألوان الخاصه بالكابل بتبقي مختلفه لازم يمر على
سيوتش بعد
التوصيل وتهيئة الأمور هندخل علي السيرفر عن طريق برنامج الوين بوكس بس في
حاجه هنعملها الأول يلا نشيل الكابل اللي جاي من الراوتر للسيرفر يعني
اللي هيكون واصل دلوقتي السيرفر للسويتش ومن السويتش للجهاز اللي هنظبط منه
الإعدادات بس
طبعا الخطوه دي هتساعدنا في الضبط وإحنا بنظبط الإعدادات هنعرف ليه إحنا عملنا كده .المرحلة القادمة هى خطوات الدخول عبر الوين بوكس
وشرح بسيط لواجهة البرنامج يلا نفتح الوين بوكس اللي هيكون شكله كده
لو ضغطنا علي المربع ... اللي جنب CONNECT هنلاقيه قرأ الماك أدريس الخاص بالسيرفر
أو بالأخص بكارت اللان لأن الماك أدريس هو سيريال خاص بكارت اللان
شرح النماذج اللى ظهرت هو :-
MAC ADDRESS
قلنا انه السيريال الخاص بكارت اللان الموصوله الأن بالمايكرويتك
IP ADDRESS
ده الأي بي الخاص بسيرفر المايكروتيك وطبعاً عندك هيكون مكتوب
00.00.00.00 وده طبيعى لأنك لسه مظبطش الإعدادات أما هنا في الصوره هيكون
مختلف لأني ظابط إعداداتي
IDENTITY
ده اسم النسخه سيرفر MIKROTIK بس انا هشرح ازاى نغيرها ونكتب اسمنا مثلاً أو اسم شبكتنا
VERSION
وده الاصدار الخاص بالسيرفر يلا بقى نضغط على الماك أدريس اللى ظهرلنا هنلاقيه بقى مكتوب فى المربع اللى كان فارغ !
طبعا LOGIN هيبقي مكتوب فيها admin و PASSWORD هتكون فارغه لاننا معلمناش باسورد للسيرفر
نضغط CONNECT عشان ندخل هتظهرلنا واجهة الوين بوكس الخاصه بالسيرفر وهتكون بالشكل ده
يلا نضغط كليك يمين في الواجهه من فوق ونضغط علي
ADD CPU عشان تعرفنا احنا مستغليين قد ايه من البروسيسور
ADD MEMORY عشان تعرفنا احنا مستغليين قد ايه من الرامات
ADD UPTIME عشان تعرفنا المده اللي احنا بدأنا نفتح فيها المايكروتيك
وكذلك إخفائهم بالضغظ كليك يمين على كل واحده وعمل ريموف
كده احنا انهينا ضبط الكابلات والوين بوكس
المرحله القادمه ان شاء الله هي ضبط الاعدادات
من اي بي وما الي ذلك مرحلة ضبط إعدادات المايكروتك
مرحلة مهمه عشان كده أن هشرحها خطوه بخطوه ...
وإنت عليك التركيز بسم الله الرحمن الرحيم .. وبه نستعين
خطوه رقم 1 تعديل أسماء كروت اللانهنختار INTEFACES
من القائمه الرئيسية لواجهة الوين بوكس عشان نغير أسماء كل كارت بحيث ان
الأول هيبقي WAN وده هيبقي الكارت اللي متوصل فيه الكابل اللي جاي من الراوتر
الثاني هيبقي LAN وده هيبقي الكارت اللي متوصل فيه الكابل اللي خارج من السيرفر للسويتش
دلوقتى لازم نعرف كل كارت وظيفته ايه عشان نعرف نكمل ضبط الاعدادات علي الاساس ده
طب دلوقتي احنا هنسمي أسماء كل كارت علي أساس ايه ؟
احنا سبق وقلنا في الشرح اللي فات
اننا هنشيل كابل الراوتر وهنسيب كابل السويتش بس هو اللي واصل
يبقي الكارت اللي جنبه TX و RX عددهم بيزيد يبقي ده هنسميه LAN
وهنلاحظ إنه مكتوب عليه في الأسفل LINK OK
أما الكارت التاني اللي جنبه RX و TX أرقامهم صفر يبقي ده كارت الـ WAN
وطبعا هيكون مكتوب في أسفله NO LINK وده طبيعي لأننا شايلين الكابل إنتهت خطوه رقم 1 يتبع
خطوه رقم 2 إضافة ip الخاص بكلاً من كارت الـ wan و lan :
روح علي IP ثم ADDRESSES
إخنار علامة + لإضافة الـ IP وصف المربع اللى حضرتك فتحته عشان تضيف فيه الـ ip
address : هتكتب فيه الـ ip وبعد علامه / هتكتب النتـ ـ ماسك
معلومه لازم نكتب ip في رينج الراوتر يعني لو ip
الرواتر 192.168.1.1 يبقي اي بي الـ wan هيكون من 192.168.1.2 الي
192.168.1.255 اختار اي رقم في الرينج ده مع العلم فى ناس فاهمه إن ip ال
wan هو ip الراوتر يعني نكتب 192.168.1.1 وده غلط هيحصل conflict والنت مش
هيشتغل .
network : هتكتب فيها بداية الأيبيهات .
broadcast : هتكتب فيها نهاية الأيبيهات .
interface : هنا هتحدد إن اللى حضرتك كتبته ده يخص أنهى كارت .
Subnet Maskكل net mask ليه رقم معين يعني مثلاً
255.255.255.0
رقمها هو 24
وده جدول يوضح رقم كل net mask
إنتهت خطوه رقم 2 يتبع
خطوه رقم 3 إضافة gateway الراوتر :
روح علي IP ثم ROUTES ثم علامة + لإضافة الـ gateway
بعد ما تكتبه وتقوله ok هتلاقى إتضاف فى القائمه وقال ان الإنترفيس الخاص به هو الـ wan يبقي انت كده تمام وماشى صح .
اما لو كتب حاجه تانى او ظهر فى القائمه باللون الأزرق يبقي كدا في حاجه غلط يبقي وتراجع تاني الخطوات .
وبكده إنتهت خطوه رقم 3 يتبع
خطوه رقم 4 ضبط الـ firewall
نروح علي IP ثم FIREWALL
ثم نختار من فوق NAT
ثم نضيف الاعدادات كما بالصورهكده تم ضبط الجدار النارى للمايكروتك ضبط ال DNS :
هنختار IP ثم DNS
ثم نضغط علي SETTINGS ونكتب ال DNS
كما هو موضح بالصور
إنتهت تلك الخطوه يتبع خطوه رقم 5 ضبط ال DHCB :
Dynamic Host Configuration Protocol
يتم ضبط ال DHCB كما هو موضح في الصورالإعدادات اللى بعد الخطوه دى مش هنغير فيها حاجه
كل اللى هنعمله هو NEXT بس
بس لما نوصل للخطوه دى هنعدلها لـ 30 عشان يدينا Ip اتوماتيك
لمدة تلاتين يوم بدل من ثلاث أيام
كده خلصنا خطوة الـ DHCB
لو حضرتك رحت على الـ IP POOL هتلاقيه إتظبط اتوماتيك
الـ IP POOL ده رينج الايبهات اللي هياخده المستخدموبكدا يبقي انتهينا من تظبيط ال DHCB
خطوه رقم 6 ضبط ال hotspot :
الهوت سبوت هي صفحه دخول المستخدم
خطوه رقم 7 ضبط ال hotspot مكرر :
طريقة دخول المستخدم & تحديد بروفايل السرعه للعميل
يلا نظبط طريقة دخول المستخدم طيب دلوقتى احنا عاوزين نوزع النت بطريقه متكافئه عن الناس مع العلم ان سرعة الداونلود بتتقسم علي 8
يعني لو حضرتك مشترك في سرعه 2 ميجا = 1024 + 1024 يبقى 2048 / 8 = 256
ودي سرعة الداونود الفعليه بتاعتنا يبقي لما البروفايل ياخد سرعه مثلا 768 k
يبقي الداونلود عند المستخدم هتبقي 96 k جنب name سمى البروفايل الاسم اللى يريحك
إضافة العميل
هنعمل لكل عميل في الشبكه اسم مستخدم وباسوورد
شرح الخطوه
NAME : الاسم المستخدم للعميل
PASSWORD : الباسوورد الخاص بالعميل
ADDRESS : وده الاي بي ان وجد
MAC ADDRESS : وده الماك ان وجد
PROFILE : وهنا هتحدد للعميل بروفايل السرعهملحوظه مهمه جدا
لو كتبت اليوزر والباسوورد حروف CAPITAL لازم يكتبها العميل CAPITAL ولو عملتها small لازم العميل يكتبها small انتهى المايكروتك من الالـف الى اليـاء ..